Nemendaskrá
Ber ábyrgð á innritun nýnema og skráningu nemenda í námskeið, umsjón með stofubókunum, umsjón með lokaprófi fjarnema utan HR, aðstoð við prófaumsýslu og undirbúning útskrifta.
Skráning í námskeið
Nemendur bera ábyrgð á sínu námi og þurfa að passa að skráningar þeirra í námskeið séu réttar.
Nýnemar í grunnnámi eru skráðir sjálfkrafa í námskeið fyrstu önnina. Nemar þurfa eftir það að skrá sig sjálfir í námskeið næstu annar og er það gert í Myschool kerfinu. Nýnemar í meistaranámi eru að öllu jöfnu skráðir sjálfkrafa í námskeið á fyrstu önn, þó er góð regla að athuga sína skráningu hjá viðkomandi deild.
Ef nemendur þurfa að breyta skráningum eftir að lokað hefur verið fyrir skráningar í Myschool geta þeir sent beiðni á nemendaskra @ ru.is. Mikilvægt er að tilgreina nafn, kennitölu og heiti námskeiða til að unnt sé að afgreiða beiðni um breytingu á skráningu.
Í almanaki koma fram dagsetningar þar sem nemendur geta breytt skráningu. Upplýsingar um dagsetningar má finna í dagatali skólans.
Fyrrum nemendur
Útskrifaðir og þeir sem hafa hætt námi geta nálgast gögn á slóðinni portal.ru.is/external. Rafræn skilríki þarf til innskráningar. Námsefni í kerfum skólans þ.m.t. glærur kennara á vef námskeiða hafa nemendur aðgang að í 90 daga eftir útskrift. Mikilvægt er því að nemendur sæki / hali niður þeim gögnum sem þeir vilja eiga áður en þessi tími rennur út.
Vegna annarra gagna en ofangreindra má senda beiðni á nemendaskra@ru.is með nafni, kennitölu og tegund gagna sem óskað er eftir. Núverandi nemendur þurfa að senda beiðni úr HR netfangi sínu.
Dæmi um önnur gögn:
- Gögn vegna umsóknar um nám erlendis
- Staðfesting á námskeiðum teknum á ensku (English Proficiency)
- Afrit af útskriftargögnum
Þegar vottorð/staðfesting er sótt á þjónustuborð í Sólinni þarf að sýna persónuskilríki en einnig er hægt að fá sent á HR netfang nemenda.
Nemendur geta nálgast ýmsar hagnýtar upplýsingar, svo sem varðandi skráningar í námskeið í nemendahandbók HR.
Skráning í próf
Skráning í námskeið jafngildir skráningu í próf á prófatímabili 1. Ef nemendur þurfa að taka próf á prófatímabili 2 (vegna veikinda, endurtöku eða annars) þá fer sú skráning fram í gegnum Portal í Canvas.
Skráning í útskrift
Nemendur skrá sig í útskrift í Myschool á tilgreindum tímum og fá tölvupósti frá nemendaskrá sem minnir á það. Ef gera þarf breytingu á þeirri skráningu er beiðni send á nemendaskra@ru.is.
Vottorð og önnur skjöl
Nemendur geta sótt eftirfarandi vottorð og skjöl í gegnum Portal í Canvas.
- Staðfestingu á skólavist (vegna húsaleigubóta, Byggingarfélags námsmanna o.fl.)
- Vottorð um stundað nám (fyrir Fæðingarorlofssjóð og Vinnumálastofnun)
- Námsferil með einingum og einkunnum
- Námskeiðslýsingar lokinna námskeiða
- Vottorð sem staðfestir útskrift
Á sömu síðu veita nemendur Háskólanum í Reykjavík heimild til að senda gögn varðandi námsframvindu til Menntasjóðs.
Prófskírteini og skírteinisviðaukar
Við brautskráningu eru afhent prófskírteini og skírteinisviðauki ásamt námsferlum á íslensku og ensku.
Skírteinisviðaukar (e. diploma supplement) innihalda hlutlægar lýsingu á námi viðkomandi ásamt stuttri lýsingu á íslensku háskólakerfi. Viðaukinn er samkvæmt fyrirmælum framkvæmdastjórnar Evrópusambandsins. Hér má nálgast nánari upplýsingar
Þessi gögn þurfa oft að fylgja með umsóknum um nám í erlenda háskóla. Hvorki prófskírteini né skírteinisviðaukar eru endurútgefin svo mikilvægt er að geyma þau vel.